Presidenti i Shteteve të Bashkuara, Donald Trump, ka deklaruar se kryeministrja italiane Giorgia Meloni i është lutur për të realizuar një fotografi së bashku gjatë samitit të G7-ës, duke shtuar se ai ka pranuar “nga keqardhja”.
Në një intervistë për emisionin “Aria che Tira” në televizionin italian La7, Trump u ndal fillimisht te marrëdhënia e tij me Melonin, duke bërë komente të drejtpërdrejta për takimin e tyre në samit.
“Ajo m’u lut të bënim një foto. Donte shumë një foto me mua. Nuk kisha nevojë, por më erdhi keq për të”, u shpreh Trump, duke shkaktuar reagime të shumta në opinionin publik.
Deklaratat e tij u bënë në kontekstin e marrëdhënieve të luhatshme mes SHBA-së dhe Italisë gjatë periudhës së fundit, përfshirë edhe qëndrime të ndryshme mbi çështje ndërkombëtare dhe luftën në Lindjen e Mesme.
Gjatë samitit të G7-ës, Trump ka përmendur gjithashtu se ishte ndjerë i “braktisur” nga disa liderë evropianë, përfshirë edhe Melonin, ndërsa më vonë gjatë diskutimeve ajo ka deklaruar se marrëdhëniet mes tyre mbeten miqësore dhe të pandryshuara.
Nga ana e saj, kryeministrja italiane ka mohuar çdo tension, duke theksuar se komunikimi me ish-presidentin amerikan ka qenë gjithmonë i drejtpërdrejtë dhe korrekt.
