Një episod i pazakontë dhe me nota humori ka ndodhur pas përfundimit të gjysmëfinales së Kupës së Botës 2026 mes Anglisë dhe Argjentinës. Shënimet e përgatitura nga stafi teknik anglez për portierin Jordan Pickford përfunduan në duart e lojtarëve të kombëtares argjentinase.
Sipas pamjeve që po qarkullojnë, Pickford kishte lënë në fushë shishen e tij të ujit, në të cilën ishin ngjitur udhëzime të detajuara për mundësinë që ndeshja të vendosej nga gjuajtjet e penalltive.
Pas përfundimit të sfidës, portieri anglez, i zhgënjyer nga rezultati, u largua nga fusha duke harruar shishen me informacionet e përgatitura nga analistët e kombëtares së Anglisë.
Futbollistët e Argjentinës e gjetën shishen dhe nisën të lexonin shënimet që përmbanin të dhëna për mënyrën e ekzekutimit të penalltive nga lojtarët e tyre. Në listë ishin përfshirë udhëzime specifike për secilin futbollist argjentinas, me detaje mbi preferencat dhe mënyrën e goditjes nga pika e bardhë.
Në videon e publikuar në rrjetet sociale, Lionel Messi shfaqet duke parë me habi përmbajtjen e shënimeve, ndërsa Enzo Fernández nuk e fsheh të qeshurën pas leximit të tyre.
Ngjarja është bërë një nga momentet më të komentuara pas gjysmëfinales, duke sjellë një situatë të veçantë jashtë fushës mes dy skuadrave që u përballën për një vend në finalen e Botërorit 2026.
