Ish-kryeministri i Spanjës, José Luis Rodríguez Zapatero, është vënë nën hetim nga Gjykata e Lartë spanjolle për akuza që lidhen me korrupsion dhe përdorim të dyshuar të parregullt të fondeve publike.
Autoritetet kanë ushtruar kontrolle në zyrën e tij në Madrid dhe në disa kompani të lidhura me të, ndërsa Zapatero është thirrur për të dëshmuar më 2 qershor.
Hetimi lidhet me një paketë ndihme shtetërore prej 53 milionë eurosh për kompaninë ajrore Plus Ultra Airlines, ku prokuroria po verifikon dyshime për pastrim parash dhe lidhje me interesa venezueliane.
Çështja pritet të rrisë presionin politik ndaj qeverisë së Pedro Sánchez, e cila po përballet edhe me hetime të tjera për korrupsion.
