Rolando Maran pritet të marrë drejtimin e Kombëtares shqiptare pas largimit të Sylvinho, duke sjellë në pankinën kuqezi eksperiencën e gjatë në futbollin italian.
63-vjeçari ka ndërtuar karrierën e tij kryesisht në Serie A dhe Serie B, duke drejtuar skuadra si Chievo Verona, Cagliari Calcio, Catania FC dhe Genoa CFC.
Kulmin e karrierës e arriti me Catanian, ku regjistroi sezonin më të mirë në historinë e klubit në Serie A, ndërsa te Cagliari krijoi surprizë në fazën e parë të kampionatit duke ëndërruar zonën Champions.
Maran njihet si një trajner pragmatist dhe i fortë në menaxhimin e skuadrave në vështirësi, por gjithashtu edhe për eksperiencat e shumta me shkarkime dhe rikthime në pankinat italiane.
Sfida e tij më e madhe tashmë do të jetë Kombëtarja shqiptare, ku do të synojë të ruajë entuziazmin dhe ambiciet europiane të krijuara gjatë epokës Sylvinho.
