Bayern Munich ka marrë një fitore bindëse në transfertë ndaj FC St. Pauli, duke triumfuar me rezultatin e thellë 0–5 në ndeshjen e javës së 29-të të Bundesliga.
Pavarësisht se trajneri kishte lënë pushim disa prej titullarëve kryesorë me mendjen te përballja e ardhshme me Real Madrid, bavarezët dominuan totalisht ndeshjen dhe treguan forcën e tyre të plotë.
Sfida u zhbllokua shumë shpejt, kur Jamal Musiala shënoi një gol spektakolar në minutën e 9-të, duke i dhënë avantazhin Bayern-it.
Në pjesën e dytë, diferenca u thellua me një gol të fuqishëm nga distanca i Leon Goretzka në minutën e 53-të, i cili më pas asistoi edhe për golin e tretë të shënuar nga Michael Olise vetëm dy minuta më vonë.
Nicolas Jackson dhe Raphaël Guerreiro vulosën fitoren e thellë të Bayern-it, duke e kthyer ndeshjen në një demonstrim force.
Me këtë rezultat, Bayern Munich ngjitet në kuotën e 76 pikëve dhe mbetet në garë të fortë për kreun e Bundesligës, ndërsa St. Pauli vazhdon të luftojë për mbijetesë në fund të tabelës.
