Rebelët Houthi në Jemen kanë ndërmarrë një tjetër sulm ndaj Izraelit, vetëm disa orë pas përpjekjes së parë gjatë së njëjtës ditë, duke sinjalizuar një përshkallëzim të situatës.
Sipas burimeve izraelite të sigurisë, një raketë e dytë u lëshua drejt territorit izraelit, por u interceptua me sukses nga sistemet e mbrojtjes ajrore, pa raportime për të lënduar. Më herët gjatë ditës, një tjetër raketë ishte neutralizuar në mënyrë të ngjashme.
Ndërkohë, mediat izraelite raportojnë edhe për një dron të dyshuar të nisur nga Jemeni, i cili është kapur mbi qytetin jugor të Eilat.
Sulmet aktivizuan sirenat e alarmit në disa zona të Izraelit, ndërsa autoritetet u kërkuan qytetarëve të ndiqnin udhëzimet e sigurisë dhe të qëndronin në strehimore. Megjithatë, ushtria izraelite njoftoi pas pak minutash se situata ishte vënë nën kontroll dhe rreziku ishte neutralizuar.
Ky zhvillim vjen në një moment kur Houthit kanë shpallur zyrtarisht përfshirjen e tyre në konflikt, duke rritur tensionet në rajon dhe duke shtuar frikën për një përhapje më të gjerë të përplasjes në Lindjen e Mesme.
