Peter Magyar deklaroi se vendet e Ballkanit Perëndimor duhet të anëtarësohen në Bashkimin Evropian përpara Ukraina, pasi sipas tij ato janë përgatitur prej shumë vitesh dhe kanë përmbushur një sërë detyrimesh.
Në një intervistë për agjencinë austriake APA, Magyar u shpreh se BE-ja rrezikon të humbasë besueshmërinë në rajon nëse nuk mban premtimet ndaj vendeve të Ballkanit Perëndimor.
Ai theksoi se stabiliteti dhe siguria e rajonit janë në interes të gjithë Europës dhe kërkoi që vendet kandidate që kanë vite në proces integrimi të trajtohen me prioritet.
Kryeministri hungarez foli edhe për perspektivën europiane të Ukrainës, duke deklaruar se hyrja e saj në BE nuk është çështje e afërt dhe se çdo vend duhet të kalojë të njëjtat procedura dhe standarde anëtarësimi.
Sipas Magyar, Hungaria planifikon të zhvillojë një referendum për anëtarësimin e Ukrainës në BE, por vetëm pas përfundimit të luftës me Rusia.
