Ferma VIP po shkon drejt mbylljes së një tjetër edicioni të mbushur me tensione, debate dhe surpriza, ndërsa produksioni ka zbuluar zyrtarisht datën e finales së madhe.
Gjatë natës së tetëmbëdhjetë të spektaklit, u bë e ditur se finalja e shumëpritur do të zhvillohet më 15 qershor, duke shënuar hyrjen e garës në fazën më vendimtare të këtij sezoni.
Produksioni njoftoi gjithashtu se jo vetëm fituesi i madh do të shpërblehet financiarisht, por edhe finalistët e tjerë do të marrin nga 10 mijë euro secili, çka ka rritur ndjeshëm motivimin dhe rivalitetin mes konkurrentëve.
Një tjetër surprizë që ka trazuar atmosferën brenda fermës është vendimi i Agait për të fshehur një shumë prej 10 mijë eurosh të groposura në ambientet e fermës. Ky detaj ka shtuar edhe më shumë konkurrencën, dyshimet dhe strategjitë mes banorëve, të cilët tashmë po përpiqen të sigurojnë avantazhe në javët finale të lojës.
Me afrimin e finales, dinamika e spektaklit është bërë më intensive se kurrë. Eliminimet e fundit dhe aleancat e krijuara kanë ndryshuar rrjedhën e garës, duke e bërë gjithçka të paparashikueshme deri në fund.
Ferma VIP nisi më 27 mars nën moderimin e Arbana Osmani, ndërsa regjisor i këtij edicioni është Eduart Grishaj. Spektakli ka vijuar të tërheqë vëmendje të madhe dhe të dominojë rrjetet sociale me debatet dhe zhvillimet e tij.
