Donald Trump ka kritikuar ashpër kancelarin e Gjermanisë, duke i kërkuar që të fokusohet në problemet e brendshme të vendit të tij, të cilin e ka cilësuar si të përballur me kriza të thella.
Sipas deklaratave të tij, Friedrich Merz po i kushton shumë vëmendje çështjeve ndërkombëtare, si lufta Rusi–Ukrainë dhe zhvillimi rreth programit bërthamor të Iranit, ndërkohë që neglizhon situatën në Gjermani.
Ai e ka akuzuar kancelarin gjerman se pavarësisht angazhimit nuk ka qenë efektiv në trajtimin e krizave globale, duke theksuar se ndërhyrjet e tij në arenën ndërkombëtare nuk kanë sjellë rezultate konkrete.
Trump ka përmendur gjithashtu sfida të brendshme të Gjermanisë, si emigracioni dhe problemet energjetike, duke theksuar se këto duhet të jenë prioritet i qeverisë në Berlin.
Deklaratat e ish-presidentit amerikan vijnë në një klimë tensionesh politike mes dy vendeve, ndërsa nga ana e saj Gjermania ka ritheksuar rëndësinë e partneritetit strategjik me Shtetet e Bashkuara.
Në të njëjtën kohë, Trump dhe rrethi i tij politik janë përfolur shpesh për qëndrime mbështetëse ndaj forcave politike ekstreme në Gjermani, përfshirë edhe “AfD”-në, e cila ndodhet në opozitë me kancelarin Merz.
