Ish-zëvendëskryeministri Arben Ahmetaj ka kërkuar që procesi gjyqësor ndaj tij në GJKKO të transmetohet drejtpërdrejt për publikun.
Kërkesa është paraqitur nga avokati i tij, Henrik Ligori, gjatë seancës së radhës për çështjen e njohur si “Buka sha”. Sipas mbrojtjes, transparenca është thelbësore për garantimin e një procesi të drejtë dhe për informimin e opinionit publik.
Avokati theksoi se transmetimi live i seancave do t’u japë qytetarëve mundësinë të ndjekin nga afër zhvillimet e gjyqit dhe të krijojnë një pasqyrë të qartë mbi procesin.
