Presidenti i SHBA-së, Donald Trump, e ka përshkruar armëpushimin dyjavor me Iranin si një zhvillim shumë pozitiv dhe një fitore të plotë ushtarake, duke paralajmëruar se çdo dështim do të çojë menjëherë në rifillimin e konflikteve.
Në një intervistë për Sky News, Trump theksoi: “Armëpushimi është i mrekullueshëm… kemi arritur gjithçka që synonim ushtarakisht. Por nëse nuk funksionon, rikthehemi shumë lehtë në luftë.” Ai gjithashtu bëri të ditur se Pakistan ka ndihmuar me një propozim për shtyrjen dyjavore të afatit, ndërsa Irani ka dorëzuar një plan 10 pikësh si bazë për negociatat përfundimtare.
Trump e cilësoi zhvillimin si një moment historik për stabilitetin global, duke e quajtur mundësi për një “Epokë të Artë” në Lindjen e Mesme dhe duke nënvizuar pritshmërinë për rindërtim dhe investime në rajon.
