Kryetari i parlamentit të Republikës Islamike të Iranit, Mohammad Bagher Ghalibaf, ka reaguar me tone ironike ndaj deklaratave dhe planeve të Shteteve të Bashkuara të Amerikës për bllokimin e Ngushticës së Hormuzit.
Në një postim të shpërndarë në rrjetet sociale, ai ka ironizuar ish-presidentin amerikan Donald Trump, duke paralajmëruar pasoja ekonomike për tregjet globale të energjisë nëse përshkallëzohen tensionet në rajon.
“Shijoni çmimet aktuale të karburantit. Me një ‘bllokadë’ të tillë shumë shpejt do të ndjeni nostalgji për naftën 4–5 dollarë për fuçi,” shkroi Ghalibaf, duke bashkëngjitur edhe një hartë me çmimet e karburantit në rajonin e Uashingtonit.
Deklarata vjen në një moment kur tensionet mes Teheranit dhe Uashingtonit janë rritur ndjeshëm, pas dështimit të bisedimeve të fundit mes palëve dhe paralajmërimeve për masa të reja ushtarake dhe ekonomike në Gjirin Persik.
Sipas raportimeve ndërkombëtare, çmimet e naftës bruto kanë kaluar tashmë nivelin e 100 dollarëve për fuçi, ndërsa tregjet globale mbeten të shqetësuara për një krizë të mundshme energjetike nëse situata përshkallëzohet më tej.
Nga ana e tij, Irani ka përsëritur se nuk do të pranojë presion dhe “nuk do të dorëzohet nën kërcënime”, duke rritur edhe më shumë pasigurinë në tregjet ndërkombëtare të energjisë.
