Presidenti amerikan Donald Trump ka deklaruar se nuk ndodhet nën presion për të arritur një marrëveshje me Iranin, duke theksuar se ai ka “gjithë kohën e botës” për negociata.
Në një postim në rrjetet sociale, ai ka reaguar ndaj raportimeve mediatike që e paraqisnin si të nxituar për një marrëveshje me Teheranin. Trump tha se një marrëveshje do të arrihet vetëm në momentin që është e favorshme për Shtetet e Bashkuara, aleatët e tyre dhe stabilitetin global.
Sipas tij, situata aktuale tregon se Irani është më i ekspozuar ndaj presionit për shkak të humbjeve të tij ushtarake, ndërsa SHBA do të veprojë vetëm në bazë të interesit strategjik dhe kushteve të përshtatshme.
