Të paktën katër persona kanë humbur jetën dhe rreth 15 të tjerë janë plagosur pas një sulmi me dronë dhe raketa nga Rusia në rajonin e Kievit.
Sipas kreut të administratës rajonale të kryeqytetit ukrainas, Mykola Kalashnyk, sulmet u kryen gjatë natës dhe goditën disa zona të qytetit.
Ai bëri të ditur se tre nga të plagosurit ndodhen në gjendje kritike, ndërsa dy prej tyre po i nënshtroheshin ndërhyrjeve kirurgjikale.
Sulmet prekën të paktën katër lagje në kryeqytetin e Ukrainës, duke shkaktuar dëme në ndërtesa banimi, institucione arsimore, biznese dhe në infrastrukturë kritike.
Autoritetet lokale po vijojnë vlerësimin e dëmeve dhe operacionet e emergjencës në zonat e goditura.
