Detaje të reja janë zbuluar për kushtet e paraburgimit të Nicolás Maduro, i cili po mbahet në një burg federal në New York City, në qendrën e paraburgimit në Metropolitan Detention Center Brooklyn.
Sipas raportimeve, Maduro ndodhet në një qeli shumë të vogël prej rreth 6 metrash katrorë, me përmasa afërsisht 3 metra me 2 metra. Dhoma është e pajisur vetëm me elementët bazë: një shtrat metalik të thjeshtë, një tualet, një lavaman dhe një dritare të vogël që lejon shumë pak dritë natyrale.
Burimet thonë se ai kalon pjesën më të madhe të kohës i izoluar, pa kontakt të drejtpërdrejtë me të burgosur të tjerë. Rregullat e sigurisë parashikojnë që të dalë nga qelia vetëm tre herë në javë për rreth një orë, gjithmonë nën mbikëqyrjen e rojeve të sigurisë.
Sipas disa raportimeve jozyrtare nga brenda institucionit, gjatë natës ai shpesh bërtet dhe reagon me nervozizëm, duke pretenduar se është mbajtur padrejtësisht. Në disa raste ai është dëgjuar duke thirrur: “Unë jam presidenti i Venezuelës!”, duke këmbëngulur se ende e konsideron veten udhëheqësin legjitim të Venezuela.
Këto raportime kanë tërhequr vëmendjen e mediave ndërkombëtare dhe kanë ngritur pikëpyetje për gjendjen e tij dhe kushtet në të cilat mbahet, megjithëse deri tani autoritetet amerikane nuk kanë konfirmuar zyrtarisht të gjitha këto detaje.
