Pentagoni është duke hartuar opsione ushtarake për një sulm të mundshëm vendimtar ndaj Iranit, i cili mund të përfshijë operacione tokësore dhe sulme ajrore në shkallë të gjerë. Lajmi bëhet i ditur nga disa zyrtarë amerikanë dhe burime të afërta me planifikimin ushtarak.
Sipas medias amerikane Axios, një përshkallëzim i tillë mund të ndodhë nëse përpjekjet diplomatike dështojnë, veçanërisht në rast se vazhdon bllokada e Ngushticës së Hormuzit, një pikë kyçe për tregtinë globale të energjisë.
Disa zyrtarë në SHBA vlerësojnë se një ndërhyrje e fortë ushtarake në fazën përfundimtare të konfliktit mund të rrisë presionin në negociata dhe të përmirësojë pozicionin e vendit në bisedimet e paqes. Gjithashtu, një veprim i tillë mund të shërbejë si një rezultat i dukshëm politik për presidentin Donald Trump.
