Gjashtë persona janë arrestuar në Bahrein pasi publikuan në rrjetet sociale video dhe përmbajtje që përhapnin lajme të rreme lidhur me sulmet e Iranit.
Sipas njoftimit të Ministria e Brendshme e Bahreinit, arrestimet u kryen nga njësia kundër krimit kibernetik, e cila hetoi postimet që shprehnin simpati për agresionin iranian dhe lavdëronin veprime armiqësore kundër Mbretërisë.
Autoritetet theksuan se materialet e shpërndara mund të çojnë në dezinformim të opinionit publik, të përhapin panik mes qytetarëve dhe të rrezikojnë sigurinë dhe rendin publik.
Çështja tashmë i është referuar Prokurorisë Publike të Bahreinit, ndërsa ndaj të arrestuarve kanë nisur procedurat ligjore.
Ndërkohë, autoritetet u kanë bërë thirrje qytetarëve që të mos shpërndajnë lajme apo video të paverifikuara dhe të mbështeten vetëm në burime zyrtare për informacion.
