Zëdhënësja e Shtëpisë së Bardhë, Karoline Leavitt, paralajmëroi se presidenti Donald Trump është gati të marrë masa të ashpra nëse Irani nuk pranon rezultatin e planit amerikan të paqes me 15 pika.
“Donald Trump nuk po luan bllofin dhe është gati të lëshojë ferrin nëse Irani nuk e pranon humbjen”, tha Leavitt.
Megjithatë, SHBA thekson se negociatat me Iranin vazhdojnë dhe janë konstruktive, ndërsa Teherani i ka cilësuar kushtet amerikane si “të tepruara” dhe ka rikthyer kërkesat e tij për një armëpushim.
Ndërkohë, Mbretëria e Bashkuar dhe Franca po organizojnë një takim teknik me 30 vende aleate për të diskutuar misionin detar që synon rihapjen e Ngushticës së Hormuzit, ndërsa tensioni rajonal mbetet i lartë.
