Në Asamblenë e Përgjithshme Zgjedhore të Federata Shqiptare e Futbollit, Armand Duka është rizgjedhur president për herë të shtatë radhazi, për një mandat të ri katërvjeçar.
Duka ishte kandidati i vetëm në garë dhe mori 48 vota pro, pa asnjë kundër apo abstenim. Ai u propozua nga 33 anëtarë të federatës, të cilët vlerësuan drejtimin e tij dhe rezultatet e futbollit shqiptar gjatë viteve të fundit.
Procesi u zhvillua në ambientet e “Shtëpisë së Futbollit”, ndërsa në fjalën e tij presidenti i rizgjedhur theksoi se prioritet i mandatit të ri do të jetë zhvillimi i infrastrukturës dhe rritja e cilësisë së kampionateve vendase.
