Gjykata Kushtetuese ka pranuar ankimin e kryetarit të Bashkisë së Tiranës, Erion Veliaj, lidhur me kërkesën për heqjen e masës së sigurisë të vendosur nga SPAK. Burime për median bëjnë me dije se Kolegji kompetent, i mbledhur ditën e sotme, ka vendosur ta kalojë kërkesën për shqyrtim në seancë.
Aktualisht nuk është përcaktuar ende data se kur do të mbahet seanca për shqyrtimin e ankimit.
Kjo lëvizje vjen në vazhdën e zhvillimeve të fundit ligjore, pasi më 31 tetor Gjykata Kushtetuese rrëzoi vendimin e Këshillit Bashkiak të Tiranës për shkarkimin e Veliajt nga detyra.
Ndërkohë, hetimet e SPAK pretendojnë se Erion Veliaj dhe bashkëshortja e tij kanë përfituar fonde të paligjshme në lidhje me ushtrimin e funksionit të kryebashkiakut.
