Marrja e fjalës në Kuvend e zv.kryeministres Belinda Balluku, për të parën herë që kur SPAK i ka komunikuar asaj akuzën si e pandehur, çuditërisht nuk i ka revoltuar deputetët e Sali Berishës që ndryshe nga herët e tjera ja kanë lënë asaj të lirë foltoren duke dalë nga salla.
Pasi deputetët e PD-së braktisën sallën, ligjvënësi i opozitës Agron Shehaj ndërhyri duke i ndërprerë fjalë ministres së Infrastrukturës.
“Balluku në SPAK”, shkruhej në një pankartë që kreu i Partisë “Mundësia” mbante në duar.
“Ju hiqet e drejta e fjalës për ditën e sotme, ulu që të mos kalojmë tek masa e katërt”, iu drejtua Niko Peleshi.
“Shumë prej jush i kam ulur në gjunjë si ai që flet..” u shpreh Balluku.
