Komisioni Qendror i Zgjedhjeve ka regjistruar Gjergj Nikën si kandidat të pavarur për zgjedhjet e pjesshme vendore të 9 nëntorit për Bashkinë e Vlorës.
Vendimi u mor pas shqyrtimit nga Kolegji Zgjedhor më 30 tetor 2025, i cili rihapi çështjen pas refuzimit fillestar të kërkesës së kandidatit nga KQZ.
Komisioneri Shtetëror i Zgjedhjeve shqyrtoi projektvendimin për regjistrimin dhe caktimin e numrit rendor në fletën e votimit për Nikën dhe vendosi që ai të renditet i treti në fletën e votimit për Bashkinë e Vlorës.
Kjo i siguron kandidatit të propozuar nga zgjedhësit pjesëmarrjen zyrtare në zgjedhje.
