Një ngjarje tragjike është regjistruar këtë të premte në Portin e Limionit në Sarandë, ku është gjetur pa shenja jete një 64-vjeçar. Viktima, identiteti i të cilit bëhet i ditur me inicialet I. R., ishte i punësuar si roje në Portin e qytetit të Sarandës.
Sipas Policisë së Sarandës, nga hetimet paraprake dyshohet se 64-vjeçari ka ndërruar jetë për shkaqe natyrale.
“Materialet mbi rastin i janë referuar Prokurorisë për veprime të mëtejshme. Vijojnë verifikimet për dokumentimin e plotë të ngjarjes,” thanë autoritetet policore.
