Ministrat e jashtëm nga Mbretëria e Bashkuar, Franca dhe Gjermania do të takohen me homologun e tyre iranian në Gjenevë, ndërsa përpjekjet ndërkombëtare intensifikohen për të lehtësuar konfliktin me Izraelin mbi programin bërthamor të Teheranit.
Bisedimet vijnë ndërsa Presidenti i SHBA-së, Donald Trump, thotë se do të vendosë brenda dy javësh nëse do t’i bashkohet fushatës ushtarake të vazhdueshme të Izraelit kundër Iranit, mes raporteve se Uashingtoni po shqyrton në mënyrë aktive ndërhyrjen.
Ndërkohë, pas një takimi në Uashington me Sekretarin e Shtetit të SHBA-së, Marco Rubio, dhe të dërguarin presidencial, Steve Ëitkoff, Sekretari i Jashtëm i Mbretërisë së Bashkuar, David Lammy, e përshkroi situatën në Lindjen e Mesme si “të rrezikshme”.
Ambasadori i Iranit në Kombet e Bashkuara në Gjenevë, Ali Bahraini, i tha mediave europiane se gjëja minimale që evropianët mund të bëjnë është të dënojnë në mënyrë shumë të qartë Izraelin dhe të ndalojnë mbështetjen e tyre për Izraelin.
