Një tërmet i fuqishëm me magnitudë 7.4 të shkallës Rihter, goditi zonën detare rreth 219 kilometra në jug të Ushuaias, në Tierra del Fuego, në Argjentinën jugore, raporton Shërbimi Gjeologjik i SHBA-së.
Tërmeti ndodhi në orën 15:58 (sipas kohës lokale) me lëkundjet që u ndjenë ndjen deri në Kili.
BBC raporton se Agjencia Kombëtare Kiliane për Parandalimin dhe Reagimin ndaj Fatkeqësive ka urdhëruar evakuimin e zonës bregdetare të provincës Magallanes në Kilin jugor për shkak të rrezikut të një cunami të mundshëm pas tërmetit.
Shërbimi Kombëtar Kilian për Parandalimin dhe Reagimin ndaj Fatkeqësive tha se zona bregdetare e rajonit Magallenes në Kilin Jugor do të evakuohet për shkak të rrezikut të cunamit, shkruan The Sun.
Ndërkohë që shërbimi Gjeologjik i Shteteve të Bashkuara konfirmoi tërmetin, duke thënë se tërmeti ndodhi midis Kepit Horn dhe Antarktidës.
Pamjet e publikuara tregojnë momentet kur qytetarët largohen nga shtëpitë e tyre dhe shkojnë drejt një pike kontrolli sigurie në vendin e Amerikës së Jugut.
Zonat bregdetare u evakuuan për shkak të “valëve të rrezikshme” që erdhën pas tërmetit në Grykën Drake.
