Prej mëngjesit të kësaj të enjte policia bashkiake në Bashkinë e Tiranës është e ndarë në dysh. Teksa pritej që kjo e enjte të ishte një ditë normale pune, ashtu sikurse dhe ditët e tjera, përplasjet e ndodhura gjatë dy ditëve të fundit në këtë institucion kanë sjellë “furtunë” në dyert e Bashkisë së Tiranës.
Pas shkarkimit të Anuela Ristanit nga posti i përkohshëm i kryetares dhe emërimi i Sara Goxhajt në këtë detyrë nga kryebashkiaku Erion Veliaj, solli “zemërim” të kryeministri Ram. Ashtu sikurse raportuam më herët ky i fundit “zbarkoi” në Bashki ku dhe urdhëroi protokollin të zhbëjë vendimin e Veliajt për emërimin përkohësisht të Sara Goxhajt në pozicionin e kryetares së këtij institucioni.
Madje u dha urdhër që Goxhaj dhe sekretari i Përgjithshëm i Bashkisë, Alban Dokushi të mos lejoheshin të futeshin në ambientet e Bashkisë.
Kjo ka sjellë dhe përplasje mes policëve bashkiakë, ku disa janë pozicionuar nga “besnikët” e Veliajt dhe disa prej tyre te të pëlqyerit e kryeministrit Edi Rama
Sipas burimeve mësohet se disa prej policëve bashkiakë nuk lejojnë futjen e Sara Goxhajt dhe Alban Dokushit në ambientet e Bashkisë së Tiranës, ndërsa disa prej tyre nuk lejojnë Ristanin.
