Tajvani ka reaguar me shpejtësi pas deklaratave të presidentit kinez Xi Jinping gjatë samitit me Donald Trump në Pekin, ku lideri kinez paralajmëroi kundër çdo ndërhyrjeje të huaj në çështjen e ishullit.
Sipas raportimeve ndërkombëtare, Xi përsëriti se Tajvani mbetet një çështje e brendshme e Kinës dhe theksoi se çdo trajtim i gabuar i situatës mund të çojë në pasoja serioze për marrëdhëniet mes Pekinit dhe Uashingtonit.
Pas deklaratave të liderit kinez, qeveria tajvaneze reagoi përmes zëdhënëses Michelle Lee, e cila falënderoi Shtetet e Bashkuara të Amerikës për mbështetjen e vazhdueshme ndaj Tajvanit.
“Ne vlerësojmë pohimin e përsëritur të mbështetjes së SHBA-së për Tajvanin”, deklaroi Lee, sipas raportimit të Reuters.
Tensionet mes Kinës dhe Tajvanit mbeten të larta prej vitesh. Pekini e konsideron ishullin pjesë të territorit të tij dhe nuk ka përjashtuar përdorimin e forcës për ribashkim, ndërsa Uashingtoni vijon mbështetjen politike dhe ushtarake për Taipein, duke e cilësuar stabilitetin në rajon si jetik për sigurinë globale.
