Kina ka kundërshtuar hapur sanksionet e vendosura nga Shtetet e Bashkuara ndaj kompanive kineze të akuzuara për blerje të naftës iraniane, duke deklaruar se këto masa nuk do të respektohen.
Ministria kineze e Tregtisë bëri të ditur se sanksionet amerikane “nuk duhet të njihen, zbatohen apo respektohen”, duke i cilësuar ato si të padrejta dhe në kundërshtim me të drejtën ndërkombëtare.
Kina mbetet një nga blerësit kryesorë të naftës nga Iran, kryesisht përmes rafinerive të pavarura që përfitojnë nga çmimet më të ulëta. Ndërkohë, Uashingtoni ka intensifikuar presionin për të kufizuar të ardhurat e Teheranit përmes sanksioneve të reja ndaj këtyre kompanive.
Autoritetet kineze theksuan se masat e SHBA-së pengojnë aktivitetet normale tregtare dhe shkelin normat bazë të marrëdhënieve ndërkombëtare, duke shtuar se Pekini kundërshton vazhdimisht sanksionet e njëanshme pa miratim nga OKB (Organizata e Kombeve të Bashkuara).
Sanksionet e fundit vijnë në një kohë tensionesh të larta mes Uashingtonit dhe Teheranit, ndërsa pritet që presidenti amerikan Donald Trump të zhvillojë bisedime me liderin kinez Xi Jinping më vonë gjatë këtij muaji.
