Mesfushori shqiptar Kristjan Asllani ka qenë protagonist absolut në ndeshjen e Beshiktash ndaj Gaziantep FK, duke dhënë një performancë të shkëlqyer në Superligën turke.
Gjithçka nisi në minutën e 7-të, kur Asllani ekzekutoi një goditje këndi perfekte, duke asistuar për golin e parë të shënuar nga Djalo.
Vetëm pak minuta më vonë, mesfushori kuqezi u shndërrua edhe në golashënues, duke realizuar nga pika e bardhë në minutën e 22-të dhe duke dyfishuar avantazhin për skuadrën e tij.
24-vjeçari, i huazuar nga Inter, përfitoi nga rikthimi si titullar dhe tregoi menjëherë vlerat e tij, duke qenë vendimtar në këtë sfidë të javës së 32-të.
Performanca e tij pritet të marrë vëmendje të madhe, ndërsa vazhdon të konfirmojë formën e mirë në kampionatin turk.
Asisti i Kristjan Asllanit: (VIDEO)
Goli i Kristjan Asllanit: (VIDEO)
