Presidenti i Shteteve të Bashkuara, Donald Trump, ka deklaruar se Izraeli nuk do të kryejë më sulme ajrore në territorin libanez, duke e cilësuar situatën si të papranueshme dhe duke kërkuar ndalimin e menjëhershëm të bombardimeve.
Në një reagim të publikuar në platformën Truth Social, Trump theksoi se çështja që lidhet me grupin e armatosur Hezbollah në Liban do të trajtohet veçmas nga marrëdhëniet me Iranin dhe sipas tij, në mënyrën e duhur diplomatike dhe të sigurisë.
“Izraeli nuk do ta bombardojë më Libanin. SHBA-të e kanë të ndaluar ta bëjnë këtë. Mjaft më!”, është shprehur presidenti amerikan, duke rritur tonet në lidhje me zhvillimet e fundit në rajon.
Izraeli dhe Libani kanë qenë prej muajsh në një situatë të tensionuar, ku përplasjet janë përshkallëzuar herë pas here për shkak të aktivitetit të Hezbollahut në jug të Libanit.
Në të njëjtin reagim, Trump komentoi edhe zhvillimet me Irani, duke përmendur rihapjen e Ngushtica e Hormuzit, ndërsa shtoi se masat amerikane detare do të mbeten në fuqi deri në përmbylljen e plotë të marrëveshjeve me Teheranin.
Deklaratat e tij vijnë në një moment tensionesh të larta diplomatike dhe ushtarake në Lindjen e Mesme, ku zhvillimet po ndiqen me vëmendje nga aleatët ndërkombëtarë.
