Krerët më të lartë të politikës shqiptare kanë përcjellë urime për besimtarët ortodoksë me rastin e festës së Pashkës, e cila kremton “Ngjalljen e Krishtit”.
Edi Rama uroi besimtarët përmes një postimi në rrjetet sociale, duke e cilësuar festën si simbol të shpresës dhe ringjalljes.
Nga ana tjetër, Sali Berisha përcolli një mesazh më të gjatë urimi, duke theksuar rëndësinë shpirtërore të Pashkës dhe mesazhet e saj për paqe dhe besim.
Urime për këtë ditë të shenjtë dha edhe presidenti Bajram Begaj, i cili uroi besimtarët ortodoksë shqiptarë përmes një mesazhi publik të shoqëruar me pamje nga ceremonitë festive.
