Një ngjarje e rëndë e ndodhur në Gjirokastër ka çuar në arrestimin e një ish-zyrtari vendor, i shpallur më herët në kërkim nga autoritetet.
Adriatik Onja, ish-drejtori i Drejtorisë së Shërbimeve Komunitare, është ndaluar në pikën kufitare të Kakavijës, në momentin e hyrjes në Shqipëri, pasi ishte shpallur në kërkim në lidhje me një aksident fatal në vendin e punës.
Ngjarja lidhet me humbjen e jetës së një punonjësi të bashkisë, i cili u rrëzua nga kati i dytë i një godine private teksa po kryente punime pastrimi.
Sipas Policisë, ndaj 54-vjeçarit rëndon akuza për “shpërdorim detyre”, ndërsa Gjykata e Gjirokastrës ka caktuar masën e sigurisë “arrest në burg”.
Në njoftimin zyrtar bëhet e ditur se shtetasi me inicialet A.O. është vetëdorëzuar pranë autoriteteve në Kakavijë, ndërsa hetimet për zbardhjen e plotë të rrethanave të ngjarjes vijojnë.
