Ushtria izraelite ka bërë të ditur se katër ushtarë kanë mbetur të vrarë gjatë luftimeve në jug të Libanit, sipas raportimit të “Jerusalem Post”.
Përplasjet vijnë në kuadër të ofensivës së vazhdueshme të Izraelit, e cila përfshin sulme ajrore dhe operacione tokësore në jug të vendit, pas një sulmi ndërkufitar të kryer nga Hezbollahu më 2 mars.
Autoritetet libaneze raportojnë se nga goditjet izraelite janë vrarë të paktën 1.247 persona dhe janë plagosur rreth 3.690 të tjerë.
Ky përshkallëzim ndodh në një moment kur konflikti në rajon është zgjeruar më tej, për shkak të operacioneve të përbashkëta të Shteteve të Bashkuara dhe Izraelit ndaj Iranit, të cilat kanë shkaktuar mbi 1.340 viktima që nga fundi i shkurtit.
Nga ana tjetër, Irani ka reaguar me sulme me dronë dhe raketa, duke goditur objektiva në Izrael dhe baza amerikane në vendet e Gjirit.
