Një raport i publikuar nga Alma Research Centre vlerëson se Irani ka aktualisht rreth 1,000 raketa balistike në dispozicion, pavarësisht përdorimit të tyre gjatë konfliktit të fundit.
Sipas të njëjtit burim, në fillim të luftës Irani zotëronte afërsisht 2,500 raketa, të afta për t’u lëshuar nga platforma të lëvizshme si kamionët ose nga silose nëntokësore.
Qendra studimore thekson se pas përfundimit të luftës 12-ditore vitin e kaluar, arsenali kishte rënë në rreth 1,500 raketa, por në muajt pasues Teherani ka arritur të prodhojë rreth 1,000 të tjera.
Këto të dhëna sugjerojnë se kapaciteti prodhues i Iranit mbetet i lartë dhe i jep mundësi vendit të rikuperojë shpejt rezervat ushtarake, duke ruajtur një potencial të konsiderueshëm në fushën e raketave balistike.
