Presidenti i Shteteve të Bashkuara, Donald Trump, deklaroi të premten në mbrëmje se Iran është “plotësisht i mposhtur” dhe po kërkon një marrëveshje për t’i dhënë fund konfliktit, por ai nuk është i gatshëm ta pranojë një të tillë.
Në një reagim publik, Trump kritikoi edhe mediat amerikane, duke thënë se ato nuk po raportojnë sa duhet për sukseset e ushtrisë amerikane në operacionet kundër Iranit.
“Media e lajmeve të rreme e urren të raportojë se sa mirë ka vepruar ushtria amerikane kundër Iranit, i cili është plotësisht i mundur dhe dëshiron një marrëveshje – por jo një marrëveshje që unë do ta pranoja”, shkroi ai.
Më herët gjatë ditës, Trump deklaroi se ushtria amerikane kishte goditur objektiva ushtarake iraniane në Kharg Island, një nga pikat strategjike më të rëndësishme të Iranit për eksportin e naftës.
Sipas tij, rreth 90 për qind e eksporteve iraniane të naftës kalojnë përmes këtij ishulli, çka e bën atë një objektiv kyç në konflikt.
Pas sulmeve ndaj objektivave ushtarake, Trump paralajmëroi se në shënjestër mund të vendoset edhe infrastruktura energjetike e ishullit nëse Irani nuk lejon kalimin e lirë të anijeve në Strait of Hormuz, një nga rrugët më të rëndësishme të transportit të naftës në botë.
