Presidenti amerikan Donald Trump ka bërë të qartë se Uashingtoni do të ndërmarrë veprime pas sulmit ndaj Ambasadës së SHBA-së në Riad, duke premtuar se detajet e reagimit do të bëhen publike së shpejti.
Lajmi u konfirmua nga gazetarja e NewsNation TV, Kelly Meyer, e cila tha se kishte komunikuar drejtpërdrejt me kreun e Shtëpisë së Bardhë. “Sapo fola me Presidentin Trump. Ai tha se së shpejti do të mësoni se cili do të jetë reagimi ndaj sulmit ndaj ambasadës amerikane në Riad dhe vrasjes së ushtarakëve amerikanë”, shkroi ajo në rrjetin social X.
Sipas Meyer, presidenti shtoi se aktualisht nuk e sheh të nevojshme dërgimin e trupave amerikane në Iran, duke lënë të kuptohet se përgjigjja mund të jetë e një natyre tjetër.
Nga ana tjetër, Ministria e Mbrojtjes e Arabisë Saudite njoftoi se misioni diplomatik amerikan u godit nga dy mjete ajrore pa pilot (UAV), çka shkaktoi një zjarr brenda kompleksit.
Gazetarja e Fox News, Jennifer Griffin, raportoi se nuk ka pasur të lënduar, pasi ndërtesa ishte evakuuar para sulmit.
Ngjarja shton tensionet në rajon, ndërsa pritet të shihet se çfarë forme do të marrë reagimi i paralajmëruar nga Uashingtoni.
