Ministri i Jashtëm i Ukrainës, Andriy Sybiha, deklaroi se mbi 1,780 qytetarë afrikanë po luftojnë në krah të forcave ruse në Ukrainë, duke akuzuar Moskën për përdorimin e taktikave mashtruese për t’i rekrutuar ata.
Gjatë një konference të përbashkët për shtyp me homologun nga Gana, Samuel Okudzeto Ablakwa, Sybiha tha se sipas të dhënave të Kievit, luftëtarët afrikanë vijnë nga 36 vende të ndryshme të kontinentit.
“Ne e shohim qartë se Rusia po përpiqet të përfshijë qytetarë afrikanë në një luftë vdekjeprurëse”, u shpreh ai, duke theksuar se Ukraina është në kontakt me qeveri afrikane për të parandaluar përfshirjen e qytetarëve të tyre në këto skema rekrutimi.
Sipas zyrtarëve ukrainas, disa prej këtyre personave janë joshur me premtime për punësim në Rusi, por më pas janë dërguar në vijën e frontit në Ukrainë.
Nga ana e tij, Ablakwa deklaroi se shumë prej afrikanëve që ndodhen në front janë viktima të mashtrimit dhe trafikimit. “Ata nuk kanë përvojë ushtarake dhe nuk janë trajnuar. U mashtruan dhe përfunduan në luftë”, theksoi ai.
Autoritetet ruse i kanë mohuar akuzat për rekrutim të paligjshëm, ndërsa raportimet për raste të tilla kanë shtuar tensionet diplomatike mes Moskës dhe disa
