Komisionerja Evropiane për Mesdheun, Dubravka Šuica, do të udhëtojë këtë javë në Washington për të marrë pjesë në takimin e parë të Bordit të Paqes të presidentit amerikan Donald Trump. Ajo do të marrë pjesë vetëm në segmentin e dedikuar për Gazën, duke reflektuar angazhimin e BE-së për armëpushimin dhe rindërtimin pas konfliktit, pa u bërë anëtare zyrtare e Bordit.
Megjithatë, pjesëmarrja e Suicës sinjalizon se Brukseli nuk po ndërpret plotësisht kontaktet me iniciativën, ndërsa disa vende si Italia, Rumania, Greqia dhe Qipro kanë pranuar të jenë vëzhguese në takimin e Bordit.
