Prokuroria e Durrësit ka vendosur masa sigurie për 33 persona në kuadër të hetimeve për 102 kontejnerë me mbetje industriale, të lidhura me kompaninë “Kurum”, të cilat ndodheshin në një zonë pranë EcoParkut në Porto Romano. Rasti u bë publik pas shqetësimeve të ngritura nga organizata mjedisore për natyrën e materialeve të depozituara.
Sipas burimeve zyrtare, mes personave nën hetim ka administratorë dhe drejtues të kompanisë “Kurum International”, përfaqësues të kompanive të tjera private të përfshira në transport dhe menaxhim mallrash, si dhe punonjës të institucioneve shtetërore me rol në kontrollin mjedisor dhe doganor.
Disa prej tyre janë vendosur në arrest me burg, ndërsa të tjerë në arrest shtëpie, në varësi të rolit të dyshuar në këtë çështje.
Në listë përfshihen edhe zyrtarë të Agjencisë Kombëtare të Mjedisit (AKM), përfshirë ish-drejtoreshën e përgjithshme Arta Dollani dhe drejtues të tjerë të strukturave që merren me lejet dhe monitorimin mjedisor. Po ashtu, në masa sigurie janë vendosur edhe punonjës të Degës së Doganës Durrës dhe përfaqësues të Autoritetit Portual.
Hetimi lidhet me dyshime për shkelje të procedurave në lidhje me menaxhimin, transportin dhe dokumentacionin e mbetjeve industriale, si dhe me rolin e institucioneve përgjegjëse për kontrollin dhe mbikëqyrjen.
Autoritetet theksojnë se hetimet vijojnë për të përcaktuar përgjegjësitë individuale të secilit person të përfshirë. Vendimmarrja përfundimtare mbi fajësinë ose pafajësinë i takon gjykatës.
LISTA E PERSONAVE TË PËRFSHIRË
Masat e sigurisë
Erdal Demir Administratori i “Kurum International” në arrest me burg
Yusuf Sezai Kurum Administrator me prokurë i “Kurum” në arrest me burg
Gjovana Sokolaj Pronare e kompanisë “Sokolaj” në arrest me burg
Doni Sokolaj Administrator i kompanisë D.o.o Minerals në arrest me burg
Olizana Pemati Ish- administratore e kompanisë “Sokolaj” në arrest me burg
Mujo Ilazaj Drejtori i Transportit në kompaninë “Kurum” në arrest me burg
Rami Bunga Specialist pranë zyrës së mjedisit në “Kurum” në arrest me burg
Harun Sarica Drejtori i prodhimit të çelikut në “Kurum” në arrest me burg
Arif Shkalla Drejtues në kompaninë “Kurum” në arrest me burg
Shaban Hyseni Drejtor i departamentit te shitjeve në “Kurum” në arrest me burg
Mirjeta Zotaj Kontabiliste e kompanisë “Sokolaj” në arrest shtëpiak
Mikail Hila Aksioner i agjencisë doganore “Joti Spedition” në arrest me burg
Mbarime Koroci Aksionere e kompanisë “Alliance Resource” në arrest me burg
Nazif Bajrami Pronar i kompanisë “Bajrami N” në arrest me burg
Andon Prifti Administrator i kompanisë “Bajrami N” në arrest me burg
Petrit Qosja Person fizik në tregtinë e mbetjeve në arrest me burg
Julian Kapedani Dega e Doganës Durrës në arrest me burg
Indrit Likaj Dega e Doganës Durrës në arrest me burg
Helidon Lila Dega e Doganës Durrës në arrest me burg
Edmond Voda Dega e Doganës Durrës në arrest me burg
Shkëlqim Jakupi Dega e Doganës Durrës në arrest me burg
Florian Çimo Administrator i kompanisë koncesionare EMS APO në arrest me burg
Gazmend Sina Punonjës i kompanisë koncesionare EMS APO në arrest me burg
Ingo Hesse, administrator i kompanisë EMS APO në arrest me burg
Arta Dollani Ish- drejtoresha e Përgjithshme e AKM në arrest shtëpiak
Marjeta Përlala Drejtoresha aktuale e AKM në arrest shtëpiak
Dritan Seferaj Drejtoria e Inspektim- Kontrollit, AKM në arrest me burg
Kledina Skendo Sektori i monitorimit të lejeve mjedisore, AKM në arrest shtëpiak
Bujana Tonçiça Sektori i lejeve mjedisore, AKM në arrest shtëpiak
Evis Mellonashi Sektori i lejeve mjedisore, AKM në arrest shtëpiak
Kejdi Ahmetaj Drejtoria e Inspektimit, AKM në arrest me burg
Iva Musa Inspektore e Autoritetit Portual Durrës, arrest shtëpiak
Xhulio Golgota Inspektor i Autoritetit Portual Durrës, arrest me burg
Anija “Molivia” e ankoruar në portin e Durrësit
DENONCIMI PER MBETJET E RREZIKSHME
Kujtojmë se 102 kontejnerët me mbetje të rrezikshme ishin eksportuar nga Shqipëria drejt Tajlandës, por u kthyen pas alarmit të dhënë nga organizatat mjedisore. Ato u shkarkuan më 8 nëntor 2025 në Portin e Durrësit dhe më pas u vendosën në Porto Romano.
Organizata mjedisore “Basel Action Network”, BAN, ngriti alarmin se brenda tyre mund të fshiheshin tonelata me mbetje të rrezikshme me burim hirin e oxhaqeve metalurgjike elektrike (EAFD).
Prokuroria e Durrësit nisi atëherë një hetim ndaj kompanisë eksportuese “Sokolaj” sh.p.k, e cila nga ana e saj ka deklaruar se i kishte blerë mbetjet nga kompania e prodhimit të shufrave të hekurit, “Kurum International”. Kompania “Kurum” ka mohuar që të ketë lidhje me eksportin e mbetjeve të rrezikshme, ndërsa Gjovana Sokolaj, administratore e kompanisë “Sokolaj”, ka pretenduar në Prokurori se mbetjet nuk janë të rrezikshme.
Drejtori i BAN, Jim Puckett, i cili vizitoi Shqipërinë më 28 tetor dhe ishte i pranishëm në portin e Durrësit ditën e mbërritjes së anijes “Molivia”, u bëri thirrje autoriteteve shqiptare që të mundësojnë një hapje publike të kontejnerëve për një proces hetimor transparent, ndërsa kërkon që qeveria shqiptare të ndajë me organizatën e tij një mostër për analiza të pavarura.
