Një lojë dominoje në sheshin “Pranvera” në Durrës ka përfunduar me një të plagosur. Dy të moshuar janë konfliktuar mes tyre dhe, për pasojë, një 72-vjeçar ka mbetur i plagosur me thikë.
Ngjarja ka ndodhur mesditën e sotme, kur pas një debati të çastit, njëri prej të moshuarve ka nxjerrë një thikë dhe ka goditur bashkëmoshatarin e tij.
Ky i fundit është dërguar me urgjencë në spital, ku ndodhet jashtë rrezikut për jetën.
Autori është arrestuar nga policia, ndërsa grupi hetimor po punon për zbardhjen e plotë të ngjarjes.
