Departamenti i Thesarit i Shteteve të Bashkuara ka njoftuar heqjen e përkohshme të disa sanksioneve ndaj Venezuelës, me synim lehtësimin e dërgimit të ndihmave humanitare dhe mbështetjen e operacioneve të shpëtimit pas tërmeteve shkatërruese që goditën vendin.
Sipas njoftimit të Zyra e Kontrollit të Aseteve të Huaja, lehtësimi i pjesshëm i kufizimeve hyn në fuqi më 26 qershor dhe do të zgjasë deri më 23 tetor. Gjatë kësaj periudhe do të lejohen transaksionet financiare që lidhen drejtpërdrejt me përpjekjet humanitare dhe operacionet e ndihmës në Venezuelë.
Licenca e përgjithshme autorizon përpunimin dhe transferimin e fondeve në emër të personave ose subjekteve të vendeve të treta drejt ose nga Venezuela, me kusht që këto transaksione të mbështesin aktivitetet e autorizuara për përballimin e pasojave të katastrofës natyrore.
Ndërkohë, në Venezuelë vijojnë operacionet e kërkim-shpëtimit, ndërsa qytetarët kanë shprehur pakënaqësi për ritmin e reagimit të autoriteteve pas dy tërmeteve të fuqishme.
Ekonomisti venezuelian Jorge Jraissati deklaroi se shumë banorë ndihen të braktisur nga institucionet shtetërore.
“Njerëzit janë të frustruar dhe të frikësuar, sepse besojnë se shteti nuk do të jetë në gjendje t’u vijë në ndihmë në kohë,” u shpreh ai.
