Në ambientet e Gjykata e Posaçme Kundër Korrupsionit dhe Krimit të Organizuar po zhvillohet seanca gjyqësore për vlerësimin e masave të sigurisë ndaj personave të përfshirë në operacionin e fundit të Struktura e Posaçme Kundër Korrupsionit dhe Krimit të Organizuar, ku u ekzekutuan dhe u lëshuan gjithsej 20 urdhërarreste.
Para trupit gjykues janë paraqitur biznesmenët dhe ndërtuesit Orgest Bircaj, Dritan Aga, Edmond Jaupi, Gëzim Islami dhe Orest Sota, të cilët po përballen me akuzat e ngritura në kuadër të hetimit të gjerë të SPAK-ut.
Në seancë marrin pjesë prokurorët e posaçëm Altin Dumani dhe Elida Kaçkini, ndërsa çështja po shqyrtohet nga gjyqtarja Flojera Davidhi.
Procesi pritet të përcaktojë nëse do të lihen në fuqi masat e sigurisë të kërkuara nga SPAK, ndërsa hetimet për këtë dosje vijojnë paralelisht. Operacioni konsiderohet një nga goditjet më të mëdha të muajve të fundit ndaj grupeve të dyshuara për veprimtari kriminale dhe pastrim parash përmes investimeve në sektorë të ndryshëm të ekonomisë.
Vendimet e GJKKO-së për masat e sigurisë pritet të japin një panoramë më të qartë mbi ecurinë e këtij hetimi dhe përgjegjësitë penale të personave të përfshirë.
