Pas dështimit të negociatave për transferimin e Marko Palestrës, Interi ka nisur të shqyrtojë alternativa të reja për të përforcuar repartin e mbrojtjes. Një nga emrat që ka dalë në skenë është ai i ish-kapitenit të Real Madridit, Dani Carvajal.
Mbrojtësi spanjoll është aktualisht lojtar i lirë dhe pritet të vendosë së shpejti për të ardhmen e tij. Edhe pse deri tani nuk ka bisedime konkrete mes palëve, emri i tij është lidhur me klubin zikaltër për shkak të përvojës së jashtëzakonshme që do të sillte në skuadër.
Carvajal konsiderohet një profil me eksperiencë të madhe ndërkombëtare dhe një lider i aftë për të ndihmuar jo vetëm në fushë, por edhe në rritjen e lojtarëve më të rinj në dhomat e zhveshjes.
Gjatë karrierës së tij me Real Madridin, mbrojtësi spanjoll fitoi 27 trofe, duke u shndërruar në një nga futbollistët më të suksesshëm në historinë e klubit madrilen. Interi po vlerëson mundësinë e afrimit të tij, ndërsa pritet të shihet nëse interesi do të konkretizohet në negociata zyrtare.
