Kryeministri i Mbretëria e Bashkuar, Keir Starmer, ka bërë thirrje për një rol shumë më të fortë të Evropës brenda NATO-s, duke paralajmëruar se modeli i deri tanishëm i sigurisë nuk është më i qëndrueshëm.
Në fjalën e mbajtur gjatë Samitit të Komunitetit Politik Evropian në Jerevan, Starmer theksoi se kontinenti duhet të marrë më shumë përgjegjësi në fushat kyçe si mbrojtja, siguria, tregtia dhe energjia.
“Duhet të ketë një element më të fortë evropian në NATO. Nuk kam asnjë dyshim për këtë. Na duhet një Evropë shumë më e bashkuar dhe më e fortë për t’u përballur me sfidat e reja”, deklaroi ai.
Sipas kryeministrit britanik, Evropa ka mbetur “prapa kurbës” për një kohë të gjatë, për shkak të varësisë së tepruar nga partnerët e jashtëm dhe mbështetjes në supozime të vjetruara për stabilitetin global.
Ai nënvizoi se momenti aktual kërkon një ndryshim të shpejtë qasjeje, duke shtuar se është koha që Evropa të marrë drejtimin në garantimin e sigurisë së saj.
“Tani duhet të jetë Evropa ajo që udhëheq. Duhet të veprojmë shpejt dhe me vendosmëri për të përballuar këtë realitet të ri,” u shpreh Starmer.
