Bordi i Transparencës ka miratuar çmimet e reja të karburanteve në tregun vendas, të cilat hyjnë në fuqi ditën e sotme, më 2 maj 2026, në orën 16:00.
Sipas vendimit, çmimi maksimal i shitjes me pakicë për gazoilin (standard SSH EN 590) do të jetë 206 lekë/litër, ndërsa ai me shumicë 194 lekë/litër.
Për benzinën, çmimi tavan në pakicë është përcaktuar 184 lekë/litër, ndërsa në shumicë 172 lekë/litër.
Vendimi do të mbetet në fuqi deri në mbledhjen e ardhshme të bordit, ku do të reflektohen ndryshimet e reja të tregut.
Autoritetet u kanë bërë thirrje të gjithë operatorëve të tregtimit të nënprodukteve të naftës që të zbatojnë këtë vendim, duke paralajmëruar masa ndëshkuese deri në pezullim aktiviteti në rast shkeljesh.
Ministria e Ekonomisë dhe Inovacionit, në bashkëpunim me Ministria e Financave dhe Ministria e Infrastrukturës dhe Energjisë, theksojnë se mbeten të angazhuara për mbrojtjen e konsumatorëve dhe garantimin e konkurrencës së ndershme në treg.
Në një sqarim shtesë, bëhet e ditur se bazuar në Akti Normativ nr. 1, datë 3.4.2026, niveli i akcizës për karburantet do të zbatohet i plotë (100%), pasi çmimet e vendosura janë nën pragjet e përcaktuara nga ky akt.
