Presidenti i Iranit, Masoud Pezeshkian, ka reaguar ashpër ndaj bllokadës detare të vendosur nga Shtetet e Bashkuara ndaj porteve iraniane, duke e cilësuar atë si një veprim të papranueshëm dhe me pasoja serioze.
Sipas tij, kjo masë përbën një zgjatim të operacioneve ushtarake dhe ushtron presion të drejtpërdrejtë mbi Iranin.
Pezeshkian theksoi se vendi i tij nuk mund të tolerojë një situatë të tillë dhe paralajmëroi se vazhdimi i këtyre politikave vetëm sa do të rrisë tensionet mes Tehranit dhe Washington, D.C..
Ai shtoi se Irani po përballet me pasoja si rezultat i qëndrimit të tij të pavarur në politikën ndërkombëtare, duke lënë të kuptohet se situata mes dy vendeve mbetet e tensionuar dhe e paqartë për zhvillimet e ardhshme.
