Ministri i Jashtëm rus, Sergey Lavrov, ka deklaruar se Moska është e hapur për të ndërtuar marrëdhënie me qeverinë e re të Hungarisë, pas fitores në zgjedhje të partisë opozitare Tisza, të udhëhequr nga Peter Magyar.
Në një intervistë për mediat ruse, Lavrov theksoi se e ardhmja e marrëdhënieve dypalëshe do të varet nga mënyra se si qeveria e re hungareze do të përcaktojë interesat e saj kombëtare, duke shtuar se Rusia pret hapa konkretë në këtë drejtim.
Ndërkohë, zëdhënësi i Kremlinit, Dmitry Peskov, bëri të ditur se Rusia nuk do të dërgojë urime për fitoren zgjedhore, duke e cilësuar Hungarinë si një vend jomiqësor për shkak të mbështetjes së saj ndaj sanksioneve kundër Moskës.
Peskov shtoi se deri më tani Rusia ka mbajtur dialog me kryeministrin në largim, Viktor Orbán.
