Korpusi i Gardës Revolucionare Islamike ka njoftuar ndalimin e dy anijeve në Ngushtica e Hormuzit, duke i akuzuar për shkelje të rregullave të navigacionit dhe ndërhyrje në sistemet detare.
Sipas deklaratës së marinës së IRGC-së, anijet “MSC Francesca” dhe “Epaminodes” dyshohet se kanë operuar pa autorizim dhe janë përpjekur të kalojnë në mënyrë të fshehtë përmes ngushticës. Ato janë shoqëruar më pas drejt ujërave territoriale iraniane për kontroll dhe verifikim të ngarkesës.
IRGC ka paralajmëruar se do të vazhdojë monitorimin e rreptë të trafikut detar në këtë zonë strategjike dhe se çdo shkelje e rregullave do të përballet me masa ligjore dhe ndërhyrje të menjëhershme.
Ndërkohë, raportohet për incidente të tjera detare në të njëjtën zonë, mes tyre edhe sulme të dyshuara ndaj anijeve, duke rritur më tej tensionet në një nga korridoret më të rëndësishme të transportit global të energjisë.
