Ushtria e Irani ka paralajmëruar përshkallëzim të situatës nëse vazhdon bllokada amerikane ndaj porteve iraniane, duke kërcënuar se mund të ndërpresë transportin detar në Deti i Kuq, Gjiri Persik dhe Deti i Omanit.
Gjeneralmajori Ali Abdollahi e cilësoi bllokadën e ndërmarrë nga Shtetet e Bashkuara të Amerikës si të paligjshme, duke paralajmëruar se vijimi i saj do të konsiderohet shkelje e marrëveshjeve ekzistuese dhe mund të çojë në masa të forta kundër trafikut tregtar në rajon.
Sipas tij, nëse situata nuk ndryshon, Irani nuk do të lejojë zhvillimin normal të eksporteve dhe importeve në këto korridore strategjike detare, duke rritur rrezikun për destabilizim të tregtisë ndërkombëtare të energjisë.
Megjithëse Irani nuk ka dalje direkte në Detin e Kuq, ndikimi i tij në zonë lidhet me aleatët rajonalë, përfshirë grupin e Houthi në Jemen, të cilët kanë kryer më herët sulme ndaj anijeve në këtë rajon.
Ndërkohë, ushtria amerikane pretendon se bllokada ndaj porteve iraniane është zbatuar plotësisht, megjithëse një pjesë e trafikut detar vijon të kalojë përmes Ngushticës së Hormuzit.
