Vizita e Mbreti Charles III në Uashington është shoqëruar jo vetëm me mesazhe politike, por edhe me momente humori që kanë tërhequr vëmendjen e mediave.
Gjatë darkës shtetërore të organizuar nga presidenti i Shtetet e Bashkuara të Amerikës, Donald Trump, monarku britanik bëri një batutë që shkaktoi reagime dhe të qeshura në sallë.
Duke iu referuar një deklarate të mëparshme të Trump, sipas së cilës pa SHBA-të Evropa do të fliste gjermanisht, Mbreti Charles u përgjigj me ironi: “Guxoj të them se, po të mos ishim ne, ju ndoshta do të flisnit frëngjisht…!”
Deklarata u prit me humor nga të pranishmit, ndërsa monarku britanik u kujdes menjëherë të zbusë tonin, duke shtuar se si SHBA-të ashtu edhe Mbretëria e Bashkuar kanë respekt të madh për Francën dhe lidhjet historike me të.
Momenti u interpretua si një shembull i diplomacisë së butë dhe stilit karakteristik të Charles III, i cili ndërthur mesazhet politike me nota humori, duke theksuar njëkohësisht lidhjet historike dhe kulturore mes aleatëve perëndimorë.
